梅儒瑞落區買兩餸飯。（美國駐港澳總領事FB）
近年兩餸飯盛行，即使疫情影響經濟，兩餸飯專門店亦於不斷擴張，以平價快餐造福一眾街坊。美國駐港澳總領事梅儒瑞（Gregory May）今日（11月1日）在社交平台上載光顧兩餸飯店照片，指「終於搵咗個機會同香港上班族一齊排隊去嗌個嚟做lunch，價格實惠得嚟又好味喎！你哋必揀嘅餸又係咩呢？」，獲得不少網民大讚領事「貼地」。
this this dish為臘味芥蘭+薯仔雞
亦有不少網民於留言區亦打趣說，梅儒瑞於餐廳叫餸時，或會因不懂廣東話，而叫「this this and this meal」，亦有網民留言推介「try samsung （3 dishes）rice next time」，不過美國駐港澳總領事FB版主，便開估梅儒瑞叫咩餸：「好多人問總領事叫咗邊兩個餸，就係：臘味芥蘭+薯仔雞。」
梅儒瑞被讚走入社區了解民生
梅儒瑞光顧兩餸飯得到不少網民稱讚，有人留言指他是真正「走入社區👍🏻了解民生」，「真正說好香港故事」。亦有網民大嘆，香港由「東方之珠美食天堂變國際大刀會同兩餸飯之都」。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
