網上熱話｜九龍城酒樓飲茶限時1個鐘，港女食唔切被趕後怒轟「唔會再去」。(FB 香港茶餐廳及美食關注組)
大部分人去飲茶只為慢慢嘆，但近期九龍城一間酒樓擬因想提升翻枱率，設置「限時飲茶制」，需在限時1小時內享用完畢。有港女一行人前往用膳後，因吃不完最終被趕，頓時怒氣衝天，表示「唔會再去！」
港女：1個鐘真係誇張
港女於Facebook「香港茶餐廳及美食關注組」發文，指自己與朋友一行3人，早前到九龍城廣場一間酒樓享用點心，剛不久才發現酒樓設限時，「飲茶要計時都算，1個鐘真係誇張囉，食麥當勞1個鐘差唔多」。
她又指飲茶過程需時，限時1個鐘太勉強，「又唔係假期，仲有好多檯就叫我地（哋）走，啲嘢剛剛嚟都未齊，我地（哋）只係剛開始食，如果假期好多人排隊我地（哋）一定唔會咁怒氣，出面都無人排隊，隔離好多人時間都長過我地（哋）佢地（哋）又唔趕」。
4位以下需一小時交檯
文中又附有兩張照片，其中一張照片中所見，寫上4位以下，請於一小時交檯；另一照片則見港女的桌上放滿點心，附近亦有數名茶客及空桌。她坦言：「見到我哋3個女仔唔止語氣差，態度都差，唔會再去」。
網民：做法太趕客
有網民表示，酒樓做法太趕客，故不會前往用膳，「趕客啫！我哋唔做佢食客」、「上次成家去到門口，一見到個計時紙牌即刻掉頭」、「嘆茶變逼茶，真係官人你要」、「飲茶要限時真係聽都未過, 點心專門店都唔限時啦, 要快食我去茶記好過」、「飲茶本身係一個嘆茶文化，西關發源地現在係每檯都有沖水煲水器具，慢慢飲慢慢食，相反香港已經係又逼又貴又唔好食都算，竟然係限時？」。
亦有網民認為，酒樓門前已貼出告示，若不滿意可不進，「百貨應百客，咸魚青菜，各有各舔，錢在人口袋」、「無人逼你入去」、「寫到咁，照入去，姐住你明白係60分鐘！咁有咩問題？」、「人哋講明一個鐘，冇呃你喎」、「佢門口有牌都有講明，願者上釣」。
amJetso送太興鮮臘腸 👇立即按此參加
