文化體育及旅遊局局長羅淑佩在西九聖誕樹前打卡，大派心心
聖誕節嚟到，周圍都充滿節日氣氛。新任文化體育及旅遊局局長羅淑佩當然要去市面感受一下，佢噚晚同西九文化區管理局行政總裁馮程淑儀去西九文化區同巨型聖誕樹打卡，仲大派心心喎。
羅淑佩與西九聖誕樹打卡
唔知羅淑佩係咪悉心打扮呢，著上紫色外套，同粉紫色嘅聖誕樹襯到絕。佢忍唔住打卡，仲對住鏡頭整心心。除咗打卡，佢仲幫襯聖誕市集，大嘆小食同啤酒，仲買咗手工飾物。佢留意到聖誕市集同旅發局繽紛冬日節嘅巨型聖誕樹，都吸引咗好多市民同旅客。佢話真心推介大家喺聖誕同農曆新年假期行吓，過個普天同慶嘅聖誕節！
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
