一名中年男子於葵涌走入兩車車罅，大力打開藍色私家車車門，猛撞泊在旁邊的黑色私家車車身，整個過程被黑色私家車的車cam拍下。(影片截圖)
網上流傳一段25秒「車Cam」影片，顯示於上月25日下午，兩輛黑色及藍色私家車停泊在路邊，期間一名疑是右方藍色私家車車主的中年男子行入兩車之間的車罅，張望後用力打開藍色私家車後座車門，車門猛撞左邊車身，其後再打開前座乘客位車門，再次大力撞向鄰車車身。該名男子其後施施然進入藍色私家車駕駛座，片段到此結束。
整個過程被黑色私家車側方鏡頭拍下。至昨日（17日）片段於社交平台流傳，有網民認出現場為葵涌國瑞路，認為涉事男子證據確鑿，已構成刑事毀壞，呼籲黑色私家車的車主可報警求助，「好大仇口喎，報警啦」、「唔難搵返佢出嚟，自首吧！」，亦有網民嘲諷男子行為「損敵一千自傷八百」、「佢殺敵一萬，自損三千...自己部車唔傷咩？」、「其實個傻佬自己架車都會花」、「好大仇口喎」、「呢啲x街心理有問題」、「佢都幾小心，睇埋有無cctv..好細心睇 ..但係大意睇漏個側Cam」、「依家度度都有CAM，做壞事唔該醒少少啦」、「求介紹乜車cam」、「沒有無緣無故的恨，放大影下泊車位睇睇」。
立即更新/下載AM730手機APP 體驗升級功能
