涉事私家車「反肚」，停在前方收費亭入口。(網片截圖)
尖山隧道發生交通意外，一部Audi剷上收費亭的防撞壆後翻側，輪胎飛脫，據悉擊中旁邊的貨客車，整個過程被車Cam拍攝下來。
今晨9時24分，一輛Audi私家車沿青沙公路行駛，駛至近尖山隧道收費亭對開時，懷疑失控剷上收費亭的防撞壆後，隨即「反肚」四輪朝天，拖行數米，停在前方收費亭入口。
私家車司機疑涉酒駕
據網上車Cam片段所見，涉事私家車撞向收費亭時力度頗大，發出巨響，其中一個輪胎飛脫，沿馬路一直滾動。據了解，在旁拍攝影片的客貨車被私家車的輪胎及零件擊中，右側兩面車窗爆裂。
至於肇事私家車司機一度被困車內，其後自行打開車門脫困，他並無受傷，警方其後接報到場，替他進行酒精呼氣測試，初步懷疑他酒駕，將其帶回警署調查；客貨車司機則頸部扭傷，經護理後毋須送院。
網民：直路睇位都搞成咁？
片段上載後引起討論，不少網民紛紛表示「片主行慢一秒就大鑊，今晚還神，驚呆了」、「片主真係好無辜，無辜比人刮花架車」、「Cam主慘慘」，亦有人批評涉事私家車司機駕駛技術有問題：「阿哥仔對準啲先入啦」、「害己又害人」，質疑他「都唔知係發雞盲定係過份自信， 直路睇位都搞成咁。」
amJetso送太興鮮臘腸 👇立即按此參加
