通關｜首階段不包括高鐵 田北辰將去信人大常委：作為退休前對市民的最後貢獻。(資料圖片)
香港與內地通關在即，但有消息指首階段重開口岸不包括西九龍高鐵站，港區全國人大代表、實政圓桌立法會議員田北辰表示「完全不能接受」，他指至今沒有具體原因，而以他理解，已有一個「關鍵團體」表態對首日復運表示無問題，亦不存在春運期間鐵路難以調配的情況，港鐵方面亦對復運無問題，「一個大家期盼以久嘅好消息，而家先來潑冷水，令大家大失所望」。將於明年2月卸任人大代表的田北辰今日（5日）向傳媒透露，今天會以人大身份去信人大常委會，反映訴求，「作為我退休前對市民及國民的最後貢獻」。
田北辰指，無人解釋高鐵未能在首階段復運原因，「一個透明度咁高嘅地方，又唔涉及國安同政治，大家係咪要三口六面講清楚？到底係邊一個卡住咗件事，又唔知要等幾耐。一個咁緊要嘅民生議題，只係一句開唔到就算？又唔解釋清楚係咩原因，香港幾時變到係一個咁嘅地方呢？」
