鐵騎士於隧道內「一心二用」，一邊單手揸車，一邊使用手機，過程被鄰綫巴士上層乘客「高炒」拍下 (Threads影片截圖)
一段社交平台流傳的畫面顯示，一名鐵騎士於隧道內風馳電掣制時竟「一心二用」，右手揸車、左手使用電話，過程被鄰綫巴士上層乘客「高炒」拍下，怒斥行為危險，「有事怪得誰？ 」
社交平台Threads昨日有網民公開影片，可見該位鐵騎士於一隧道管道快綫行駛，鐵騎上放了電話，期間他加速時右手在揸車，惟未有望向前方，反而專注於電話上，左手由通訊程式切換至觀看地圖，疑在尋找目的地，及後鐵騎繼續加速，可見影片拍得其車牌。目擊網民表示，「難怪咁多『經濟支柱』『孝順仔』『好爸爸』啦。忙到單手揸26邊覆WhatsApp ，有事怪得誰？」，有網民指「成個過程佢應該無望過前面」，樓主對此回應「真，前車急停或收慢佢未必睇到！」
網民批危險駕駛 「舉報佢其實係救佢一命」
影片引發熱議，一眾網民批評鐵騎士行為屬危險駕駛，「其實條命就自己嘅，出事唔好怪人就得，最好就自炒唔好害人啦」、「炒還炒…唔好累到人」、「自己申請，唔抵可憐」、「出咗事又怪人，又話經濟支柱」、「拯救孝順仔！」、「舉報佢，其實係救佢一命」、「過隧道一條直線，而家唔撳幾時撳」、「的士一部ipad加四部電話都未炒，呢啲小兒科啦」。
amJetso送太興鮮臘腸 👇立即按此參加
