引頸以待的土地供應專責小組報告上月底出爐，政府至今仍未對報告下結論，特首林鄭月娥僅指若是「照單全收」非負責任的行為，一番疑似保留的態度，予人感覺政府或只會局部選取合意的選項。小組成員曾鈺成對外界質疑不以為然，認為負責任的政府推行任何政策，不能因「邊面聲音大或邊面人多就跟邊面」，惟他認同小組主席黃遠輝的說法，小組向政府推薦的8個選項，「若政府揀啲唔揀啲、做啲唔做啲，佢要解釋。」
記者：鄭秀韻 攝影：鍾式明
土地供應專責小組的任期將於月底屆滿，過去曾參與不少公職的曾鈺成，對小組的工作別有一番感受，形容受小組集體精神感染，非常突出，「我諗我冇參加過其他呢啲諮詢架構係有同樣感受，可以話係圍爐取暖效應。」他指小組自開始運作後，來自四方八面的攻擊排山倒海而來，小組開設手機WhatsApp通訊群組，便經常透過群組表達意見，互相支持，「對某某人『咁離譜講啲嘢』，大家同仇敵愾……」
他猶記得小組舉行四場大型公眾論壇，每次也有他口中形容是「搗亂」的請願，令他很反感，「小組成員看在眼內，反為加強咗我哋自己有個使命感……覺得唔能夠俾一啲少數聲音、少數得嚟又大聲主導晒，即係有啲話你哋(小組)假諮詢、郁啲又話咩偽命題、咩為政府護航之類……」
曾鈺成自言能與小組成員共事是與有榮焉。
被戲謔「周永新第二」 小組自覺要爭氣
他續說，小組一直承受外面很大壓力，尤其當特首去年10月「忽然」在施政報告宣布填海1,700公頃的「明日大嶼」願景，「我哋俾人笑話咩『周永新第二』之類，愈係咁，小組愈覺得要認真做好啲嘢，自己要爭氣，報告亦要對得住社會、對得住市民。」小組在年底前趕工草擬報告，「嗰十個星期『倫』報告，大家喺度拗時，更加顯得我哋工作有意義，所以我自己感受幾好。」
對於有指小組及黃遠輝與特首有矛盾或「唔啱牙」，他認為，所謂矛盾的說法是略為誇大，但他坦言，「明日大嶼」一事是有點「失驚無神」，令一直被外界指假諮詢的小組，「更加踩多一腳，變咗好難落台。」但他說，「公道啲講，林鄭從一開始，對小組嘅要求同期望，佢都講得好清楚。」他指林鄭月娥曾兩度會見小組成員，第一次是出席小組的首次會議，當時她提及社會對如何開發土地有不同意見，缺乏共識，明言希望小組帶動社會進行廣泛討論。
第二次會面是去年4月展開為期5個月公眾諮詢活動前，林鄭月娥在禮賓府宴請小組成員，他引述林鄭月娥說，「政府係負責任嘅、有承擔嘅，政府認為應該要做嘅嘢，無論第日你哋嘅(報告)結果係點，有啲我哋(政府)認為應做就做。」曾鈺成如此解讀：「有啲事就算唔係有好明顯或好強大嘅民意支持，佢(林鄭)認為應做就做。」
林鄭月娥月初就小組報告作原則性回應，指政府若對各項報告都「照單全收」，未必是負責任的行為，顯示她未必全盤接納報告的取態早有伏筆，尤其外界質疑她或會以「社會仍很有爭議性」為由，將獲逾六成民意支持收回粉嶺高球場的選項棄如敝屣。不過，曾鈺成認同林鄭月娥的說法，「一個真正負責任嘅政府，唔能夠話做完公眾諮詢，就結果係乜就做乜，咁使乜你做政府？咪好易做，任何嘢你咪做一個民意調查囉，民調話七成人支持我就做，得三成人支持我就唔做，咩叫管治？唔能夠咁。」
不過，政府作任何決定後，均要向社會解釋，他以收回高球場為例，小組建議政府優先研究收回32公頃用地局部發展，餘下140公頃球場用地再作全面檢視，「如果政府最後決定唔係咁做，咪要承受政治壓力，要向社會解釋，話俾人知點解……所以諮詢就係諮詢，唔係百分百按照諮詢結果嚟做，不等於政府將呢件事作為假諮詢。」
土地問題牽涉太多利益
小組經廣泛徵集民意提出的建議，其中以收回高球場最具爭議，令小組兩面不討好，他指已預計高球會的人一定不高興，透露其中一場諮詢的討論，焦點全放在是否收回高球場，諮詢對象全是商界年輕一代，他們全然指高球場對社會的價值，包括有很多名木古樹及罕有品種等，「於是我話所有呢啲都應該保存，但我聽到一個意見，點解唔開放俾公眾？其中(在座)一個好自然反應，『開放？我哋千幾萬買咗個membership(會籍)，點處理？』」這個問題沒有答案，「冇得好講，土地問題講到尾，都係社會公平問題，都係政治問題。」政府有否決心撼動商界利益？「唔知，土地真係牽涉太多利益。」他委婉說，香港要解決住屋問題較新加坡困難的原因，是因新加坡絕大部分的土地是政府擁有，反之香港現時剩下可發展的土地，大部分是私人發展商擁有。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
