吳靄儀自言不熱衷從政並厭惡權位，卻要在政圈打滾18年，她不肯透露當年誰是推手，「當然有人，亦係法律界人，有特別原因，唔能夠講……」
吳靄儀的辦公室，滿是文件及檔案。
回首議會生涯得與失，無從量化，「如果講，一定係失去多到不得了」，她坦言生活非常不愉快，並自嘲政治上變成「大毒草」，但她說，「冇得計，你自己決定咗承擔，你就要做……但有冇得？一定有，得係我哋可能做嘅嘢好辛苦、或者好失敗，但你𠴱18年活得有意義，你仲想點？」
從政路上總有沮喪時刻，「都攰㗎，有時孤軍作戰，好淒涼，但要死頂囉，因為係你嘅承擔。」
書中寫23條立法一章，當時她在報章專欄撰寫23條日誌，03年5月5月答讀者蔡先生形容香港人感到沮喪的來信，她覆述：「有時真係衝動想走人(離開議會)，但我哋唔可以咁；你做大律師，有時法庭上俾法官奚落，都想拍枱走，但專業守則唔可以丟低當事人，你一定要留喺度……」她說該篇文章回應這種心情，「呢種心情其實再三喺呢18年不斷不斷咁出現，你每次都要記住，你要守自己個位……」
當年反23條戰役，她每日一篇文章感性抒發，亦是一種自我療癒。
她自言不是樂觀的人，「我覺得樂觀同悲觀冇分別，即係最艱難時候，你愈要出多啲力，等於個細路如果係你嘅，你唔會話艱難就放棄佢，如果香港係你嘅承擔，艱難咪辛苦啲、做多啲囉。」
古時英雄行刑前總會說：「十八年後又是一條好漢！」心志堅硬如磐石的吳靄儀說：「待從頭收拾舊山河，一定有得好，難啲咋嘛，問題係你care定唔care……」
【限時激減】800 amFUN 2盒！1200 amFUN 4盒！
