近日大棠紅葉開始由黃色轉紅色。(資料圖片)
踏入12月的紅葉盛放季節，不少市民在剛過去的周末，就湧到大棠楓香林欣賞和拍攝紅葉，甚至順道遠足。不過額外的人流和遊客，卻惹來不少大棠居民在網上抱怨和吐苦水，更有人成立關注組，希望遊客不要再到大棠賞紅葉。
現時港鐵巴士K66線提供恆常往返元朗朗屏邨和大棠黃泥墩村的服務，在最近觀賞季節更提供在朗屏站至大棠路之間不停站的特別班次K66A線。不過，Facebook群組「大棠友」不少成員，昨均訴說周末遊客帶來的交通壓力，有人指公共小巴的候車時間大增，形容「架架都爆哂人、激死」，亦有人批評「巴士客滿，小巴又滿，的士都滿埋，你班行山×K，阻×實晒」。有人就指出該特別班次只在下午1時前提供服務，指「1點後D(啲)人咪搭K66」，認為「其實下午接走班人都好重要」。
居民等車逾句鐘 有人寧徒步出元朗
有人則表示，在大棠路中間的南坑排，久候港鐵巴士或公共小巴都未能登車，有人更直言自己決定由大棠路中段步行往元朗市中心，「我係教堂行去元朗千色，行左(咗)一個鐘」、「我崇正行出千色，15分鐘左右」。在其他Facebook群組，有網民就希望遊客「真係唔好再上去啦，我想番屋企呀」、「等K66番屋企等左成個鐘」，更有人直斥「有冇諗過大棠居民感受？往返元朗市嘅路就得一條？你仲叫哂(晒)所有區外嘅入黎(嚟)？等五班巴士都上唔到車，真係好擾民」；另有網民戲稱：「搵人上山斬左(咗)啲樹最實際」。
此外，昨日更有網民在Facebook開設「大棠紅葉關注組」群組，聲稱「歡迎村民入嚟趕客，話比區外行出人士聽，唔好再信濾鏡P圖」，希望同區居民正視大批遊客周末前往賞紅葉的問題。群組建立者發帖解釋，指額外遊人除隨處遺留口罩和垃圾外，還有胡亂在周邊行人路違例泊車，「輪椅同BB車要推出馬路，避車處泊哂(晒)車，村民遇到對頭車要後波幾里路先避到車。」
amJetso送太興鮮臘腸 👇立即按此參加
