有網民指有關貨車「起屋仔」，相信是拋錨。(網民Kitty Pak@FB群組「Mei Foo 美孚」)
很多私人屋苑經常會見到「違泊即鎖」的告示牌，但貨車司機為了上落貨，屋苑管理員通常都會「開綠燈」，不過如果架車泊到阻塞條路，但又無人理，難免會引起居民不滿；若然遇著的是惡霸司機，仲聲言call車隊入邨塞死條路，咁又點算好？
網民Kitty Pak在Facebook「Mei Foo 美孚」群組貼出兩張相，顯示一架重型貨車在邨內亂泊，阻塞了兩條行車線，佢不滿點解無屋苑管理員處理。不過，不少網民留言指架車可能壞車，有心水清網民推斷因「起左(咗)屋仔(即重型車輛的駕駛室揭起)」；另有網民認為應報警。
樓主其後在原帖補充，「是管理員們盡責！個貨車被鎖，交完罰款唔順氣！佢仲話下午三點叫個車隊入來美孚塞死條路呀！好驚驚喔！」有網民認為司機「玩嘢」、「報定警得啦」、「一次過鎖晒一隊車隊」、「搵拖車黎(嚟)拖走哂佢」。不過最終在指定時間甚麼也沒有發生，樓主其後留言，「說好了的車隊沒了」，並附以一張車去路空的相片佐證。
【限時激減】800 amFUN 2盒！1200 amFUN 4盒！
