2019-10-04 05:15:00

600元網購替身十一「代相睇」生意爆棚

「相睇」有得「請替身」！國慶十一長假期向來是內地家長安排子女相睇的「黃金周」，但不少子女其實都不願去相睇，有網購平台賣家遂推出「代相睇」服務，每次2小時，收費人民幣600元，還可以按買家要求設定「人物性格」及形象，據報相關服務今年十一期間生意爆棚，「求助者」則主要是女性。

內地傳媒報道，北京、上海、杭州、廣州及深圳等一線城市，都有淘寶網賣家提供代相睇服務，其中一名賣家表示，十一期間查詢代相睇人數急增，而且客人落單都要排隊。該賣家又稱，客人基本上都被家長安排一星期相睇三、四次，最誇張的是連續5日都要相睇，但客人其實想趁放長假好好休息，卻不好意思拒絕家長的要求，所以就「讓我們安排合適的人替她去，也算是委婉地拒絕到對方(相睇對象)」。

網民：有錢賺就去
不少內地網民對這種「新職業」大感興趣，稱「給錢我就去」、「重點是供飯」，亦有網民透露，當告知其母代相睇能賺錢後，「我媽竟然說：你去吧，說不定可以遇到好的」。還有人指出，「如果雙方都是代相親碰頭，該如何呢？」不過，有網民認為，代相睇「一點用都沒有，回來後還不是被父母問，要想理由搪塞中間人」。