有網民表示，乘搭HK Express期間目擊已買位的乘客，在機上遭沒有買位的家庭客「逼走」。(資料圖片)
HK Express乘客現時可以預先購買指定機艙座位，否則會由航空公司隨機安排座位。有乘搭從香港出發往日本名古屋UO690航班的網民表示，目擊有「怪獸家長」家長乘客「挾小朋友之名」，要求已買位的乘客讓座以便全家坐在一起。該網民續指，受害乘客感到憤怒之餘，更有職員建議被逼走的乘客回港後自行申請退款，批評航空公司竟滿足該家庭的不合理要求。
▼事主現身回應及網民反應逐格睇▼
事主：仲要態度好差，呢樣先至嬲
目擊乘客在社交網站分享事件後，一名自稱為事主的網民隨即留言附上相片證明及現身說法，解釋擔心因事件令飛機延遲起飛，為免耽誤其他乘客時間才不堅持而屈服，又稱所謂的「小朋友」實質為中學生，「嗰兩個已經唔係好細嘅小朋友。」她又透露，當時聽到該家庭的母親明令「唔好諗住郁佢哋，佢哋一定唔會讓」，形容要求無理之餘「仲要態度好差，呢樣先至嬲」，她將會就事件追究航空公司。
不少網民都為受害者抱不平和同情其遭遇，「而家錯既(嘅)唔係你，做咩要讓」、「根本唔係讓位，屬於你既(嘅)先係讓」、「你太好人，呢啲人得逞一定再有下一次」、「你咁樣做，會助長啲人欺善怕惡！」有網民就理解事主屈服的出發點，「一個二個話個乘客廢，如果佢堅持唔讓搞到班機delay幾個鐘，同機既(嘅)人會撐佢定×佢呢？大家香港人應該知道答案」、「正常應該無人會出聲，99%係，宜家係UO唔幫買左(咗)位既(嘅)人，即係支持搶人位，亦倒公司米。」
香港快運：機型轉換有調位需要
香港快運(HK Express)回覆《am730》指，因機型轉換的關係，一行4人家庭最初預訂的座位變成緊急出口座位排。根據規定，當中2位未成年的乘客不能坐在緊急出口座位排，因此與相關家庭解釋調位需要、並得到另一排4位乘客的同意後，當中包括2位已付費自選座位的乘客，迅速安排對調。香港快運已向協助對調的乘客解釋，並承諾會退回自選座位的費用，十分感謝當日各位乘客的理解和配合。如乘客未符合相關安全規定，香港快運會為該乘客重新安排替代座位。
