飲食界立法會議員張宇人話，飲食業面臨嘅挑戰，業界人手唔夠嘅問題。(陳奕釗攝)
香港同內地通關之後，唔少市民都會北上消費，有報道話市民北上消費打擊本地飲食同零售業。不過，飲食界立法會議員張宇人今日(26日)話，依家飲食業面臨嘅挑戰，唔係生意問題，又唔係市民北上消費嘅問題，而係業界人手唔夠嘅問題喎。
冀政府助解決人手問題
張宇人喺飲食界7.1慶回歸優惠活動嘅記者會上話，現時飲食業嘅經營確實面臨好多挑戰，問題係人手唔夠。佢話：「有啲細舖冇座位提供，已經執咗10多間店，有人搶舖位令佢哋生意收縮咗。所以每個唔同行業，特別係我哋(飲食業)有自己嘅困難」，但佢強調「呢個問題唔係生意問題，又唔係啲人北上嘅問題，而係我哋(飲食業)唔夠人手嘅問題。」張宇人希望政府可以加快解決呢個人手問題。
至於飲食業界推出嘅7.1慶回歸優惠活動，現時已經有超過2,000家食肆同商舖參加，大部分喺當日都會提供7折或特價優惠嘅指定套餐、菜式同飲品，譬如話麥當勞嘅椰汁鐵飲一個禮拜9.9元，太興堂食全單7折等。張宇人希望可以繼續爭取更多食肆參與，目標係要達到3,000家喎。
amJetso送太興鮮臘腸 👇立即按此參加
