Ray Online｜「飛魚王子」方力申狠批泳總事件惹來關係，張欣宇hashtag楊潤雄話，小圈子固化藩籬令人窒息。(資料圖片)
香港「飛魚王子」方力申旗下嘅泳會有一個9歲嘅天才小泳手竟然未能參加比賽，因為方力申嘅泳會級別唔夠高喎。對此，方力申喺社交平台發帖狠批香港泳總唔公平同體制唔透明，事件引起咗大家嘅關注。新界北議員張欣宇更轉發咗方力申嘅帖文，特登hashtag咗文化體育及旅遊局局長楊潤雄話「楊局長，是時候改變了。」
「楊局長，是時候改變了」
張欣宇成句係話：「是可忍，孰不可忍……呢種小圈子固化藩籬真係令人感到窒息，楊局長，是時候改變了。」
至於新民黨立法會議員何敬康就喺方力申嘅帖文下面留言，話好欣賞佢敢於發聲，「面對冷嘲熱諷，仍然沒有後退」，仲話「你一定不會是孤勇者，一定同你一齊發聲」。何敬康今朝(8日)就已經分別寫信畀游總會長同立法會文化體育事務委員會，跟進事件同尋求解決方法。
「飛魚王子」帖文吸逾千點讚
而方力申自己就喺昨日(7日)發咗逾千字嘅帖文，表達佢嘅憤怒同失望。佢話泳總「答非所問，本末倒置，只顧及維護總會制度，漠視運動員利益」。呢篇帖文發咗一日就已經有約1.6萬人讚好，又有唔同人士積極留言同分享，齊齊批評泳總自私自利、制度僵化，同時力撐方力申「頂住壓力」咁話喎。
