2024-06-22 17:05:21

Ray Online｜李家超：少了時間練氣功　會趁乘車時練習「快叉」

行政長官李家超就嚟上任2年，佢接受傳媒訪問話上任之後工作忙碌，每日大約瞓5個鐘，同時少咗時間練氣功。但有時會趁搭車嗰陣練習，當係「快叉」，可以迅速恢復精力喎。

李家超話等其他人評價表現

李家超之前話過會修練氣功養生，每日保持精神，已經去到師傅級水平，可惜工作緣故少咗時間練習。面對傳媒問到下屆會唔會爭取連任，李家超就話擔任特首係一個使命，只要有好嘅事就要做，唔會理時間長短。如果係正確，無論邊個去做呢份工作，都會推行好嘅政策。佢強調要聚焦做好呢個使命要求嘅工作，冇諗其他嘢。至於自己嘅表現，李家超話等其他人評價，佢對自己只有要求喎。