江玉歡辭任港鐵法律總經理。(資料圖片／蘇文傑攝)
本身係律師嘅選委界立法會議員江玉歡(Doreen)，舊年離開工作多年嘅律師行，轉投港鐵做法律總經理。佢當時話入咗議會之後，都要繼續執業先唔會同社會脫節，又話即使禮拜一至五公務繁忙都會堅持議員工作。
為社會做多啲嘢係最大心願
不過，Doreen噚日(14日)透露已經向港鐵辭職，又強調同港鐵之間冇唔愉快嘅事件發生，多謝港鐵過去一年畀咗好多機會佢。佢話，港鐵畀咗佢好大嘅自由度，但由於希望時間上有更大嘅自由，最終決定辭職，之後會私人執業。
Doreen今日(15日)同Ray講，自己好enjoy(享受)同市民接觸，日後就可以多返啲時間落區見街坊同開立法會會議。今屆立法會任期話咁快已經過咗一年半，Doreen話希望未來兩年半可以為香港、為社會同市民做多啲嘢，「呢個係我最大心願。」
amJetso送太興鮮臘腸 👇立即按此參加
