Ray Online｜霍啟剛：大家唔使咁關注我家庭，鼓勵市民關注家庭「size」多生育。(陳芷晴攝)
「G19」立法會議員今日舉行團拜，大家輪住講祝賀說話，其中霍啟剛就突然「呼籲」大家唔使咁關注佢嘅家庭，反而應該關注大家嘅家庭「size」，鼓勵大家生多啲。
Ray Online｜霍啟剛：大家唔使咁關注我家庭，鼓勵市民關注家庭「size」多生育。(陳芷晴攝)
霍啟剛悉心挑選家庭幸福嘅揮春，提到家庭和氣，自然事事順利。不過佢就突然有感而發，話唔知點解網民都好關心佢嘅家庭，佢反呼籲大家早啲組織家庭，又或者擴大家庭。佢話兩萬蚊新生嬰兒獎勵金夠唔夠就見仁見智，不過生育有助香港發展。
其他議員方面，陳振英就揀咗橫財就手嘅揮春，佢話今年股市同樓市表現欠佳，要靠新春金多寶，中咗1億頭獎就唔使做啦！而李浩然就拎住平安喜樂嘅揮春，話有基本法23條就平安！
「G19」召集人謝偉銓致辭嗰陣話，聯盟包含香港各行業嘅代表，代表性強，提出嘅議案都係經深思熟慮，成功率為政府接受。「班長」廖長江就補充，「G19」有全立法會最叻嘅議員！
amJetso送太興鮮臘腸 👇立即按此參加
