大家去旅行住酒店，有無搞到間房「立立亂」？
呢位仁兄去亞塞拜疆旅行，就忽發奇想，用枕頭、毛巾、遙控器砌咗個公仔出嚟，非常過癮。
執房阿姐見到唔單止唔嬲，仲覺得好有趣，留咗張笑樣紙仔俾佢。呢位仁兄受到鼓勵，更加每日堅持「創作」，愈搞愈大陣仗，簡直創意爆棚，每次都氹得執房阿姐好開心咁留字「俾Like」。仁兄玩轉酒店房足足10日，最後仲留低小禮物，相信應該令執房阿姐好難忘。
立即更新/下載AM730手機APP 體驗升級功能
