2018-07-30 11:35:00

千六蚊買對涼鞋落雨後除咗一對仲有「一對」?

內地一位女網友，最近因為一對「甩色涼鞋」非常嬲嬲豬！

呢位莊女士話：「一場雷雨，讓這雙鞋變成買一送一！」事緣佢花1400元人民幣 (約1607港元)買咗對原價2800元人民幣(約3215港元)嘅真皮涼鞋，原先諗住打折後平咗一半係賺到啦，好天著就好地地，點知有一次，佢著呢對涼鞋出門就遇豪雨，咁都未算衰，一除真係嬲到笑──對鞋嚴重甩色，除咗一對，低睇落仲有一對，簡直係最令人苦笑嘅「買一送一」！

莊女士雖然嬲，但對鞋已過晒換貨期限，佢去專櫃理論時，店長就話對涼鞋係「反皮毛做工」，本身就易甩色亦唔防水，遇到大雨先會咁，品質一啲都無問題，已請公司處理。

而事件亦引起網友熱議同狂笑：「呢個根本係對鞋本身設計！」、「售貨員：唔好意思，會買呢對鞋嘅人都矜貴到腳不著地落雨更加唔會使番工」。