各位鍾意同另一半著情侶裝嗎？
呢對日本老夫妻今年都係60歲，並已結婚37年，仲著足情侶裝也37年！
呢位老太太Tomi每日熱衷為老公同自己襯好時尚情侶裝。格仔、間條、Sharp色咩都OK，就怕著得唔夠潮！
Tomi同老公青梅竹馬，結婚至今37年，育有一女，依然好似後生時咁恩愛。而Tomi一頭白髮都係染嘅，就係為咗同老公嘅白髮睇落更襯。而老公亦體諒 老婆「少女心」，陪佢一齊著情侶裝。
Tomi喺Instagram上開帳戶 「@bonpon511 」大騷穿搭術，「bon」同「pon」 係彼此暱稱，「511」就係結婚紀念日，真係Sweet到漏。
立即更新/下載AM730手機APP 體驗升級功能
