如果你想養貓，你會揀貓B定老貓？
男童Easton就喺社群網站上睇中一隻來自加拿大嘅10歲老貓，呢隻貓因為主人搬家而被送到動物收容所，由於年紀大，收容期間對佢有興趣嘅人，半個都無──直到佢等到Easton。
雖然媽媽同意Easton養寵物，但點都估唔到佢會揀隻老貓，於是媽媽帶Easton去收容所了解一下，令人意外嘅是，一人一貓嘅初邂逅就一見如故。
當日佢哋就辦好領養手續，帶新成員回家。貓貓本來被安排喺後座籠中，但佢不停喵喵叫嗲Easton抱抱，Easton全程車抱住呢隻大貓，貓貓亦全程都好乖。
依家貓貓已經完美適應新家庭，一人一貓非常Sweet。
立即更新/下載AM730手機APP 體驗升級功能
