(微博照片)
內地集美大學思政教學部80後老師董立功，主教中國近代史，佢諗出一條「絕橋」，將學生嘅注意力從手機旁拉回講臺──著龍袍上堂！
3月7日，董立功著平常衣服走入教室，學生一如既往懶懶散散，然後佢宣布：「今日我要以道光皇帝身份，講述大清衰敗史。」董老師當場著龍袍、戴皇冠，學生立即眼前一亮，成堂都無人玩手機，董立功收穫任教以來難得掌聲。
董老師表示於今年寒假，佢備課時萌生一個念頭：第一堂課係鴉片戰爭，不如扮成道光皇帝做自述，展現佢從出生到當皇帝，以及點對林則徐、點看待鴉片戰爭嘅一系列內心活動，從小處切入，講鴉片戰爭大歷史。
董立功表示已經寫好劇本，接下來會叫學生著清代服裝，扮曾國藩、李鴻章、康有為及梁啟超，等佢哋演戲中瞭解歷史。
網上有人讚佢用心對待教學，亦有人認為佢嘩眾取寵，佢自己就將呢次授課定義為「思政課教學改革嘗試」。
立即更新/下載AM730手機APP 體驗升級功能
