呢位韓國網友因為轉讓一隻老虎……啊唔係，係一隻1:1的老虎公仔而引起網上熱議！
話說呢位網友好鐘意老虎，所以買咗一隻1:1老虎公仔，但佢家中養嘅貓勁驚呢隻老虎公仔，嚇到唔食唔飲，甚至在家中搞破壞，情況失控，所以佢決定賣坎呢隻「假老虎」。
而睇到呢位網友嘅超巨型隻老公仔照片後，就有一位任職外賣員嘅網友附相回覆：「請問呢張相中隻『老虎』係咪就係你講嗰隻？」
原來呢位外賣員喺一次送外賣，經過走廊時，幾乎俾一間公寓門口呢隻「老虎」嚇死！佢猶有餘悸咁話：「唔係我送炸雞俾人食，而係驚我就快俾老虎食！如果喺公仔對眼貼埋夜光貼紙，我應該會立即死於心臟癱瘓。」
佢有佢驚，網友有網友笑死，多名網友表示好想買隻看門口！
立即更新/下載AM730手機APP 體驗升級功能
