2018-09-12 17:10:00

食錯早餐愈食愈累白粥粟米片都唔啱？

好多人都有食早餐嘅習慣，但大家可能無諗過，原來有啲「高升糖類」食物，會令人愈食愈攰，甚至可能成日都精神恍惚！而白麵包多士、飯糰、白粥及粟米片等常見早餐，全都屬於高升糖食物。

有營養師指出，高升糖類食物，容易造成血糖快速上升及下降，當身體血糖較高時，體內「色胺酸」濃度亦會較高，若進到腦部，就會產生血清素，而血清素容易讓人疲勞。早上選擇高纖類食物，如全麥麵包，就可更有精神。