日本綜藝節目「月曜から夜ふかし(周一晚間騷)」本週分享咗一個有趣嘅「12星座排行榜」而引起討論，有趣嘅係排行並非由星座大師排出嚟，而係來自網站對全國20至60歲，合共1038位男女作調查，佢哋只需回答呢條問題：「你係咪覺得自己至今都無試過打從心底愛過任何人？」
調查發現有31.0%人自認「到目前為止不曾打從心底愛過任何人」，而自認不曾真心愛過別人嘅星座第1名，就係將近半數都回答「係」嘅水瓶座。節目中討論，水瓶座熱愛自由，討厭被束縛，所以戀愛上都比較不容易為對方犧牲，比較冷靜理性。
而第2名嘅雙魚座，雖然俾人感情豐富又浪漫嘅印象，但因為討厭對立及衝突，容易因為對方強烈攻勢而莫名其妙開始拍拖，所以諗番轉頭先會覺得其實無愛過。
而排最尾嘅天蠍座，外冷內熱，專一又愛恨分明，每次拍拖都放成擔真感情落去，所以佢哋都覺得有自己每次都係「死心塌地愛戀過」。
立即更新/下載AM730手機APP 體驗升級功能
