美國德州28歲女子 Lizzie Velasquez罹患罕有疾病「全身性脂肪失養症」，右眼全盲、左眼視力受損，身高157公分體重只有27公斤，曾經慘被封為「世界上最醜女人」，飽受網絡霸凌。
一出生就無體脂肪嘅 Lizzie，每半小時就要攝取卡路里，一日進食60餐但仍然無法增重，佢嘅衰老速度亦比一般人快。佢17歲時遭受到人生中最嚴重嘅網路霸凌，喺Youtube意外發現自被封「世界上最醜女人」，仲有網友叫佢不如死咗去。不過父母同佢講：「妳的確得到罕有疾病，同其他人唔同，但個病無法定義妳，只要妳做自己，大家就會正視妳。」
Lizzie並無放棄自己，仲訂下4個夢想：完成大學學業、成為勵志演說家、出書以及擁有自己的家庭。依家佢她取得德州州立大學聖馬科斯分校傳播學士，出咗三本書，拍咗紀錄片《A Brave Heart: The Lizzie Velasquez Story》，並喺各地演講，好多演藝圈名人、球星都為佢聲援。佢亦積極拓展人對美麗嘅定義：「唔好在意人哋黠講，狠毒嘅言語改變唔到事實，但可擾亂你嘅心，唔好活喺別人眼中，要做最好嘅自己，你嘅美只能由你定義。」
立即更新/下載AM730手機APP 體驗升級功能
