美國新澤西州警察Joseph Quinn去一間意大利餐廳食飯，埋單時發現有人幫佢埋咗單，調查後發現幫佢埋單嘅，竟然係個8歲陌生女孩！
當晚Joseph喺餐廳遇上8歲小女孩Mikayla Raji，Mikayla對陌生嘅Joseph親切問好，仲傾咗陣偈，後來Mikayla問媽媽可唔可以請呢位警官食飯，母親欣然答應，Mikayla就默默幫Joseph埋單，仲要求匿名。
不過Joseph小小利用了警察調查職權，搵出善心人Mikayla，仲發現呢位小妹妹嘅爸爸Thomas Raji都係警察，但2008年執勤時被醉酒醉貨車司機撞死。Mikayla媽媽亦係同一警局警察，當時懷孕7個月，依家Mikayla母親已退休，覺得囡囡係從Joseph身上睇到同爸爸嘅連結，先至想幫佢埋單。
Joseph警局同事都Mikayla母女感動，翌日就為熱愛閱讀嘅Mikayla創立募款網頁，用作教育基金，仲邀請Mikayla參加陣亡將士紀念遊行，一齊悼念佢爸爸。
立即更新/下載AM730手機APP 體驗升級功能
