三心兩意係人類通病，就好似食即食麵咁，喜歡港版出前一丁由細食到大嘅香濃麻油味，不過又喜歡日版嗰份彈牙嘅麵身，內心掙扎猶如女友跟阿媽跌落海救邊個先一樣。誰料，出前一丁同你講，佢出咗隻全新「北海道小麥粉麻油味」。Oh my god！強調有齊港版同日版嘅特點之餘，更特別引入100%北海道產嘅優質小麥粉，做到麵條更煙韌彈牙，有畫龍點睛之妙。所以，小編決定蒙眼試食，味分高下！
麵餅比較：麵餅嘅顏色各不同，北海道小麥粉版顏色比較其他金黃，其次係日版和港版。
蒙眼挑戰1：氣味及湯底味道
紅碗：醬油香氣非常濃郁，但就蓋咗少少麻油香；而湯底味道似味噌湯味，仲有啲芝麻，幾有咬口，不過麻油味仍然略少。
（氣味：3.5/5分、湯底味道：4/5分）
綠碗：麻油香氣最先衝擊嗅覺，超香，個肚即刻「古古」聲；湯底味道似茶餐廳嘅餐蛋麵味道，鹹之中帶有芝麻甘香味，唔錯！
（氣味：4/5分、湯底味道：4/5分）
藍碗：咁多碗之中最濃烈麻油味，嗒落亦係較濃味嘅一碗，係濃味控favorite。
（氣味：4/5分、湯底味道：4/5分）
蒙眼挑戰2：麵質
紅碗：麵條爽口，麥味頗香，軟硬適中，即使大大啖食落口都好易咬斷。
（麵質：4/5分）
綠碗：麵條比較粗身，好似食拉麵咁，幾有咬口，食到「雪雪」聲，非常特別。
（麵質：5/5分）
藍碗：麵條比較前兩款幼滑，無咁乾身，感覺每條麵條非常分明。
（麵質：3/5分）
盲測結果
最後，北海道小麥粉版獲勝。綜合盲測結果和廠方資料，全新「出前一丁北海道小麥粉麻油味即食麵」最與別不同地方，就係特意地使用享負盛名嘅北海道產小麥粉。本身北海道物產豐饒，出產薯仔、粟米等都非常有名，而北海道小麥粉就出名在於粉質細緻，清新麥香強勁，而獲好多用家高度讚賞。
北海道小麥粉版的麵條用足100%北海道產小麥粉製造，令麵條色澤金黃，口感煙韌彈牙，散發甘甜麥香，配合埋港人集體回憶嘅經典湯底及麻油配方，變得更適合香港人口味，獨一無二。講到優惠，北海道小麥粉版售價較日版便宜，5包裝僅售21.9元，值得一試。
