產量極少的日本「MARS MALTAGE」3 plus 25威士忌。
左邊那支就是「The Rare Malt」與顧客合作的自家威士忌。
我愛威，所以去到高級酒吧，通常會叫支「威」(威士忌)。不過「小數」怕長計，咁搞法遲早冇得威，都係去威士忌專門店買「威」返屋企飲化算好多。酒鬼朋友介紹下，觀塘有間威士忌專門店「The Rare Malt」，店內有超過350種威士忌，大部分也是蘇格蘭產。老闆Aslan話：「日本威士忌飲到悶，香港人開始對蘇格蘭有興趣。其實蘇格蘭威士忌有好多唔同味道，可以講愈飲愈好玩。」
The Rare Malt的威士忌款式多，仲可以同你合作推出屬於自己的威士忌。店內一支GlenDronach TRM「MALT X 虎の選」威士忌，原來Aslan同一位台灣著名選桶人虎哥合作，在蘇格蘭GlenDronach酒廠包起一個桶來釀製威士忌，所以這桶酒就屬於自己的專屬威士忌，絕對獨一無二，將自己品牌的威士忌送給朋友，真威。夢想擁有自家威士忌的飲家，The Rare Malt幫到你啦。
The Mare Malt內仲有好多值得買的威士忌，例如市面上極罕有的「川崎X輕井沢」，售價$37,000，識貨之人就知物有所值。另一推介是28年的日本「MARS MALTAGE」，3 plus 25代表先在一間酒廠釀製3年，之後原桶再到第二間酒廠釀製25年，入口超純帶有果甜味，產量極少，售價$12,000。
The Rare Malt地址：觀塘開源道47號凱源工業大廈6樓H2室
網站：www.theraremalt.com
Facebook：www.facebook/theraremalt
文：Paul
