![網上熱話|港男曬同事豪派Bakehouse散水餅 一人一盒落重本 網民反轟:多舊魚](https://cdn.am730.com.hk/s3fs-public/styles/article_image/public/2024-04/wayne_F.jpg?itok=dpEIfw_C)
網上熱話|港男曬同事豪派Bakehouse散水餅 一人一盒落重本 網民反轟:多舊魚
打工仔要在職場上有好日子過的話,多多少少都要做一些非真心但又唔做唔得的事情,例如新同事返工的第一天要夾錢請食開工飯、有人生日要夾份買蛋糕慶祝,就連辭職唔做都需要買散水餅派街坊,總之樣樣都係錢。有港男撞正公司同事last day,原以為同事的散水餅是一人一個Bakehouse蛋撻,點知對方卻大方到一人派足一盒,引來大批網民羨慕!不過,發文者事後揭散水同事原來因為1事劈炮唔撈,更有網民陸續反轟職場上的散水餅文化「多舊魚」!
![圖片來源:TVB《愛·回家之開心速遞》劇照](https://cdn.am730.com.hk/s3fs-public/styles/article_image/public/2024-04/WhatsApp%20Image%202024-04-18%20at%2011.57.53%20%281%29.jpeg?itok=pzvXVI0m)
圖片來源:TVB《愛·回家之開心速遞》劇照
同事last day豪派散水餅 一人一份已過時?
職場上的文化和規則多不勝數,其中一樣非last day要派散水餅莫屬,離職的同事大多都要在返工的最後一日,主動向公司的同事派發散水餅,除了用來宣布自己即將離任外,更會用以感謝各位一直以來的照顧、教導和幫助。早前一位港男遇上同事last day派散水餅,原以為對方會跟從一般做法,每人派一個散水餅,豈料對方卻一人派足一盒Bakehouse蛋撻!
![圖片來源:Facebook@香港茶餐廳及美食關注組](https://cdn.am730.com.hk/s3fs-public/styles/article_image/public/2024-04/WhatsApp%20Image%202024-04-18%20at%2011.57.51.jpeg?itok=KUbgwvDC)
圖片來源:Facebook@香港茶餐廳及美食關注組
![圖片來源:ViuTV《IT狗》劇照](https://cdn.am730.com.hk/s3fs-public/styles/article_image/public/2024-04/WhatsApp%20Image%202024-04-18%20at%2011.57.52%20%283%29.jpeg?itok=jhbX0RfR)
圖片來源:ViuTV《IT狗》劇照
網民慨嘆落重本 揭同事因1事辭職唔撈
從發文者分享的照片中,可見他獲離職同事派發一盒共5個的Bakehouse蛋撻。據悉,Bakehouse一個蛋撻的售價為$12,獲派5個即每人$60,以散水餅來說相對算重本。不少網民亦因此而留言,驚訝表示「一人一盒?好重手喎」、「排隊排到天昏地暗」,又指已經不是散水餅,而是「散水盒」。眼見網民紛紛指離職同事「落足本」,發文者本人就上水回應指對方「佢中咗六合彩」,因此買散水餅亦比較豪爽。
![圖片來源:Facebook@香港茶餐廳及美食關注組](https://cdn.am730.com.hk/s3fs-public/styles/article_image/public/2024-04/WhatsApp%20Image%202024-04-18%20at%2011.57.51%20%282%29.jpeg?itok=ZlUJeGrV)
圖片來源:Facebook@香港茶餐廳及美食關注組
散水餅文化具爭議 網民反轟:真係多舊魚
網民認為該名同事的散水餅除了價值以外,心機亦值得欣賞,全因「又唔係超貴,但去買同攞都重」。不過,有網民反而將重點放在離職要派散水餅一事上,狠批「都唔知香港幾時有散水餅依啲on X文化」、「俾人炒都話要買」、「走就走架啦」,亦有人分享自身心酸經歷,直指「我轉公司時,有相熟同事話好頭好尾,叫我攞d錢出黎,佢幫我下午攪個tea party, 請哂公司所有人食」、「其實出錢事少,有些同事是我不喜歡的,有些冇乜交情,心理極不願意」,怒斥離職要派散水餅的確「多舊魚」。