2024-04-09 14:00:00

網上熱話｜連登仔呻香港人工低物價高每月僅剩4000蚊食飯：病咗就連飯都無錢食！

香港地的打工仔一向出名壓力大，只因要在工時長但人工又低的環境下生活，長期過著付出與收穫不成正比的日子，的確會令人變得厭世和失去希望。早前，一位連登仔就在網上發文求助，直指以一個剛從大學畢業踏入職場的新鮮人去計算，月入$15,000的他們要在物價極高的香港生活其實大有學問，不但搵兩餐晏仔食飽飯變成一件困難事，假如一個唔小心生病要睇醫生的話，該月更有機會連飯都無錢食！

連登仔呻香港物價高職場新鮮人難生存

香港的打工仔工時長、人工低，不少行業做埋做埋只夠搵兩餐晏仔，而在物價持續上漲的大環境下，有時連食飯都要先諗過度過。早前，有連登仔就在討論區上以「老老竇竇依家一餐食幾錢先正常」，只因以一位剛從大學畢業踏入職場的新鮮人計算的話，假設他們每月收入有$15,000元，「一個人住平平地租6000，搭車返工當每日20蚊，一個禮拜返六日，計埋自己出街當600」，而其他洗費如「社交娛樂計2000，日用品上網電話費剪頭髮1000蚊，水電煤1000蚊，3c電器傢私平均400蚊」，其實人工而經所剩無幾。

每月僅得4千蚊食飯不慎生病即無飯食

按照發文者以上的計法，加上「唔買樓唔儲錢唔去旅行」，月入$15,000的人每月其實只得$4,000能夠用來食飯，「咁一日只可以洗差唔多130蚊，但好多餐廳都要60蚊一個飯，一個月差唔多冇錢淨」。又無奈地指出上述已是較樂觀的想法，只因「如果病X埋」，需要睇醫生額外花費的話，「分分鐘唔夠錢食飯，直接餓死」。

網民教路慳錢大計：兩餸飯幫到你

對很多人來說最簡單直接的慳錢方法就是由食方面著手，因此有大批網民紛紛留言分享自己的慳錢大計。有網民直指最方便快捷的方法是幫襯「兩餸飯」，惟有網民就表示「兩餸飯都貴左好多，以前20蚊，而家30幾蚊」，又苦呻「十幾年前可以餐餐茶記，依家得返雙餸同燒味飯」。亦有網民表示可以「1個人，自己煮，再分幾餐食」、「買磅生命麵包，加片芝士落啲茄汁，或者加果jam又一餐」。不過，亦有網民認為發文者月入僅$15,000的話，「真係無理由搬出嚟比$6000租，同屋企人住住先，咁你食玩方面可以洗多好多」。