中年好聲音2｜鄭梓浩被揭長期偷食兼食軟飯 再被前女友爆「性功能失調」？
TVB綜藝《中年好聲音》參加者都有唔錯發展，甚至比年輕得多嘅「聲夢幫」更受客戶歡迎。不過「中音生」頻頻傳出醜聞，最新一個係參加《中年好聲音2》前歌手鄭梓浩（Brian)！今日有傳媒訪問鄭梓浩剛分手嘅女友Grace，大爆Brian拍拖期間難改後生時溝女惡習，更「偷食」至少2名女子，而且同舊愛有金錢轇輵！
Grace係鄭梓浩初戀情人，分手多年後喺2017年重遇並再次撻著，同居6年直到近期先分手。Grace聲稱拍拖7年期間，鄭梓浩原來除咗頭3年對佢一心一意之外，其餘時間都有偷食。Grace先提到重遇冇耐，鄭梓浩就向佢剖白後生時溝女無數，更導致婚姻失敗，以後會洗心革面。Grace信以為真，重遇一個禮拜唔夠就俾咗Brian 50萬港元，之後又出錢出力為鄭梓浩一圓歌手夢，甚至「融入家中」同鄭梓浩2個仔關係密切，直頭叫Grace做阿媽。
中年好聲音2︱鄭梓浩跳舞觀眾興奮 曾蜜詩唔嗌歌低音震撼
前女友指控拖拖拉拉
拍拖多年本來相安無事，但去年年底，即係鄭梓浩參加《中年好聲音2》而為人認識之時，Brian突然向Grace提出分手並搬出寓所。Grace後來發現鄭梓浩同第個女人嘅親密片段，鄭先承認同一個內地人妻有染，甚至揭發Brian返內地開完直播就同「小三」親熱。Grace聲稱呢位「小三」同樣有俾錢鄭梓浩。
更爆係，鄭梓浩有「小三」之外仲有位「半個圈中人」嘅「小四」，雙方有裸聊甚至「約炮」，更願意資助鄭梓浩父子生活。鄭梓浩大仔於是通知「阿媽」，甚至指鄭梓浩帶埋「小四」同兩個仔去旅行，四個人住同一間房，但係Brian竟然唔理啲仔喺旁邊，同「小四」進行「運動」！
雙重出軌之外，Grace指控鄭梓浩對佢拖拖拉拉，一時話搬走話分手，後來又承諾一生一世，轉個頭又失蹤返內地。Grace再爆埋鄭梓浩向佢呻因為感染新冠而性功能失調，Grace於是買補品俾Brian，事後先知原來係因為「鋤得多傷氣力」！