![何伯直播中向網民間接默認行蹤。](https://cdn.am730.com.hk/s3fs-public/styles/article_image/public/2024-08/bb5c1d36-b4f5-4b1f-9897-32f55b765c73.jpg?itok=vPe9RDbE)
何伯直播中向網民間接默認行蹤。
何伯與何太數月來成為城中熱話,由追討450萬的家事演變出房署收樓風波,二人流離失所,連日來四出搵酒店留宿,夫婦二人昨晚(16日) 轉陣北上到深圳的酒店住,並繼續在網上開直播,時間長達1小時55分鐘,其間,何太更爆seed 激動狂鬧何伯向網民透露自己的行蹤。
何伯何太昨晚在深圳一間酒店入住,隨即開直播火速就被黑粉搵出下榻地址,並瘋狂留言,向來單純的何伯細聲表示:「又俾佢地搵到」,間接透露了自己的行蹤,引發何太火山爆發,使出獅吼功向何伯鬧足35分鐘。何太爆seed 喪鬧何伯:「你係咪又想我鬧呢?你又暴露咗自己喺邊?人哋打晒出嚟就要爆,你係咪想瞓街?唔好成日製造問題,我忍夠你啦!我受夠啦!」、「你出街瞓,唔好再跟住我。你咁樣爆自己行蹤,激到我幾嬲,係咪想我同你離婚?」何伯露出可憐的樣子:「梗係唔係,我都話唔坐喺呢度。」
何太未有停口繼續咆哮:「你果然每一下都中人哋計,你仲細個,你係3歲呀!你就嚟80歲啦,都係咁死蠢。你以前點搵食,你係食屎㗎!」續叫何伯以後唔好再跟住她,何伯即謂:「唔跟你跟邊個呀?」何太說:「返你啲仔女度!!!」場面相當激動;最後,何太聲稱房間被撳鐘敲門,有網民就推斷應該是公安找上門。