軒仔完騷後攞住海報拉票，好努力。
「2024年度叱咤樂壇流行榜頒獎典禮」將於明年1月1日假亞洲國際博覽館舉行，由樂迷投選的我最喜愛的男、女歌手及組合大獎，已展開第一輪投票 ，投票截至15日中午12時，第一階段投票正式完結，「我最喜愛的男歌手」最後10強分別為張天賦(MC)、周殷廷(YT)、江𤒹生(AK)、呂爵安(Edan)、林家謙、洪嘉豪、姜濤、陳卓賢(Ian)、張敬軒及盧瀚霆(Anson Lo)。向來玩得的軒仔去年現身旺角街頭跟「助選團」派宣傳單接票，最終成功奪得「2023 我最喜愛的男歌手」。今年軒仔繼續出招，日前他表示如果成功獲得獎項，會在台上宣佈人生大事。
揚言贏獎就宣布人生大事。
軒仔上年攞最受歡迎男歌手，一賞心願。
「我攞獎就宣布人生大事」
正忙於在澳門開演唱會的軒仔，每晚完騷後都會到場外跟「接放學」的歌迷見面，前晚完騷後，得知再次打入首輪「我最喜愛的男歌手」十強，他拎住海報拉票，海報上寫上：「延續感動時刻，請繼續投票支持張敬軒」，他更誇下海口：「請大家投下寶貴嘅1票俾我，如果我今年能夠上台，我會有大事宣佈，人生大事嚟嘅，多謝大家。」軒仔的一番話，引起全場粉絲起哄。不過亦有網民指軒仔在去年年尾12月31日僅出得一首歌《青春告別式》後已未有作品，笑言他在「出口術」拉票。
立即更新/下載AM730手機APP 體驗升級功能
