![kayan9896與Alex首度合作。](https://cdn.am730.com.hk/s3fs-public/styles/article_image/public/2024-08/%E5%90%8C%E5%B1%85%E5%B0%91%E5%A5%B3%E8%AB%B8%E4%BA%8B%E5%8D%9C%EF%BD%9C%E5%AD%96kayan9896%E6%BC%94%E5%BA%8A%E6%88%B2%E9%9B%B6%E4%BA%A4%E6%B5%81%E8%B6%85%E5%B0%B7%E5%B0%AC%20%E6%9E%97%E5%BE%B7%E4%BF%A1%E5%86%87%E5%90%8C%E8%80%81%E5%A9%86%E5%82%99%E6%A1%88_0.jpg?itok=tso0NkWf)
kayan9896與Alex首度合作。
由多位青春偶像:雲浩影(Cloud)、吳家忻(kayan9896)、蘇皓兒(Chloe)、郭嘉駿(193)、何啟華(阿Dee)及林德信主演的Viu Original本地原創劇《同居少女諸事卜》正於「黃Viu煲劇平台」熱播。
kayan9896與Alex首度合作,飾演鄰居關係,其中角色崇尚開放式關係的kayan9896,更不時「偷𥄫」健身型男Alex,鬧出不少笑話;二人在劇中還有一幕親熱「床戲」,拍攝過程雖然順利,但他們卻表示尷尬,kayan9896指:「親熱鏡頭唔算好親密,有好多鏡頭都用咗啲有趣方式交代,不過都有怕醜,因為我冇乜拍過愛情戲,其實太激情嘅戲份,現階段嘅我未接受到。」問到kayan9896拍攝親熱戲事前有否跟Alex交流一下?她笑說:「冇,唔敢太多交流,最好唔好咁熟,咁就冇咁尷尬。」
![林德信孖kayan9896演床戲,事後二人表示超尷尬。](https://cdn.am730.com.hk/s3fs-public/styles/article_image/public/2024-08/Stills_02.jpg?itok=JI7lwcz2)
林德信孖kayan9896演床戲,事後二人表示超尷尬。
Alex表示之前曾睇過kayan9896開騷,不過合作拍劇還是第一次,大讚對方演技不俗,他謂:「同佢拍親密戲都會尷尬,始終都係啱啱識,冇排過,一嚟就拍,但可能呢個安排係好嘅,因為要有一種初戀感覺,個心卜卜跳、帶有少少尷尬咁,希望真嘅尷尬,觀眾見得到。(有冇同老婆備案?)冇,一路做任何嘢都冇講,唔需要申請。」
Alex表示之前曾睇過kayan9896開騷,不過合作拍劇還是第一次,大讚對方演技不俗,他謂:「同佢拍親密戲都會尷尬,始終都係啱啱識,冇排過,一嚟就拍,但可能呢個安排係好嘅,因為要有一種初戀感覺,個心卜卜跳、帶有少少尷尬咁,希望真嘅尷尬,觀眾見得到。(有冇同老婆備案?)冇,一路做任何嘢都冇講,唔需要申請。」Alex在劇中是一位「暖男」,不過現實生活中,他自評不屬「暖男」:「我應該唔屬於!可能我唔係一啲識表達情感嘅人,我會執屋嘅,有時會煮飯,不過我可以一星期食同一個餸,冇驚喜,我鍾意煎牛扒,可以晚晚煎,對方可能會覺得悶。」
![林德信表示沒有跟老婆備案。](https://cdn.am730.com.hk/s3fs-public/styles/article_image/public/2024-08/Stills_05.jpg?itok=-mBVnPNF)
林德信表示沒有跟老婆備案。
小背心上陣
kayan9896在劇中喜歡𥄫仔,但現實中的她自言喜歡𥄫女:「我鍾意𥄫靚女,可能想自己成為心中女仔模樣,所以見到正嘅女仔,一定會望。(會留意邊個部位?)身材、穿搭,唔一定要超級靚,鍾意有佢哋嘅特色、自信同吸引到我。」其實繼《#她和她的戀愛小動作》後,kayan9896再度參演Viu Original原創劇,她笑說今次跟上次一樣,衣著上比較清爽:「今次同上一套好相似,好多屋企戲,所以好多時都著睡衣、小背心,好彩咁啱呢排努力健身,所以還好。」
![kayan9896在劇中不時以小背心上陣。](https://cdn.am730.com.hk/s3fs-public/styles/article_image/public/2024-08/Stills_01.jpg?itok=UADYx6Di)
kayan9896在劇中不時以小背心上陣。