![](https://cdn.am730.com.hk/s3fs-public/styles/article_image/public/2024-08/ccccc_2.webp?itok=JIam-8N6)
49歲前港姐季軍吳文忻受訪自爆乳癌復發擴散淋巴腺:有等死嘅感覺
49歲吳文忻(現改名吳忻熹Nathaliie)1998年參選港姐奪季軍入行,曾參加多套電視電影作品,之後於2011年與「南丫島王子」之稱的金融才俊陳劍陵結婚後就慢慢淡出娛圈,專心相夫教女。不過,最近佢罕有接受媒體訪問,自揭兩年前曾患乳癌,而今年更是第三期復發,並擴散至淋巴腺。
好少睇醫生同食西藥
Nathaliie透露兩年前做Facial時發現左胸有硬塊,之後就到醫院接受檢查,發現係乳癌。
崇尚自然療法嘅佢,直言好少睇醫生同食西藥,當時醫生有提議做化療,不過佢好快就決定要做手術切除癌細胞,其後亦都冇再接受電療及化療等便出院,只係要每半年覆診一次。去到今年覆診,Nathaliie發現癌細胞變大好多,由兩年前大約2.5cm變到5-6cm,更加擴散至淋巴腺,所以要一定要做化療同免疫治療。
希望醫好自己幫到人
一向報喜不報憂嘅Nathaliie本來都唔希望太多人知,就連父母同大部分朋友都唔知,但有一次接受化療後開始認為唔可以再收收埋埋,更指「自己喺屋企我覺得有等死嘅感覺」所以決定受訪公開病況,勇敢面對並鼓勵同路人,亦都直言「想俾自己多啲正能量去打呢場仗,希望醫好自己幫到人。」
原文刊登於 Yahoo 娛樂圈