周啟生在Facebook發千字文，用「鬧劇」兩字來襯托。
音樂人周啟生近來不斷批評同行，例如陳蕾「彈結他甩皮甩骨。」太極Joey Tang「彈結他有天份，但欠努力，所以唔會叻。」最爆莫過於攻擊林家謙「嗰條廢青」。仲鬧家謙粉絲：「X你唔起呀？」今日凌晨他在Facebook發文，說朋友叫他不要介懷負面報道。他就話自己「老江湖」，圈中打滾好耐。「我197幾年就喺TVB跟住顧嘉輝師傅，喺呢個音樂圈打滾咗50年，其實今次嘅事係我夾埋一班新聞界朋友，一齊炒出嚟㗎。」
周啟生的千字文，含意好似笑大家俾佢玩緊咁。
林家謙俾人話「廢青」，超無辜。
谷騷慳宣傳費
周啟生近日多次提到自己在10月1日開騷，今日在Facebook繼續話：「今次嘅炒作一方面可以令到我嘅名氣更加大，令(另)一方面可以幫另一位藝人降一降溫。我得到嘅益處就係，全中國嘅網站都見到我嘅新聞，國內嘅人大多數都支持我，嚟緊方便安排，我再次喺大陸大展拳腳。如果要俾錢宣傳，我估要成千萬。」周啟生又話，一輪擾攘之後，一切變得平靜。自己反而有點不習慣。而家交返個波俾一位是非纏身的男歌手接力。但他未有說明是邊位男歌手。
amJetso送 Bodysonic先力牌窗口式冷氣機X靜音循環風扇X電動冷凍小風扇
