《小心碰頭》的眼鏡男MC迷死人。
繼《百萬大道》後，MC張天賦再推新歌《小心碰頭》，MC作曲黃偉文填詞徐浩監編。MC說：「最初寫《小心碰頭》係我嘅歌庫冇一首三拍或六拍八嘅歌，於是我決定寫番首。我嘅demo詞有提及『好好記住我』同『聖誕快樂』，我覺新歌係喺好重要日子同另一半講嘅嘢，但未必要對方聽到，最後就變咗《小心碰頭》。」《小心碰頭》MV由合作過《與我無關》、《抽》導演黃婕妤執導，23歲女主角林廷憶(Suri)曾獲台北電影節非常新人。拍攝過程中，Suri就投訴MC喎。
MC與Suri在MV表現好甜蜜。
Suri在兩年前的台北電影節勇奪非常新人。
MC不留手
《小心碰頭》MV推出後，Suri網上發文表示：「謝謝MV打起枕頭戰沒有一點點的手下留情。」意即貪玩MC面對女生毫不留手。MV中MC與Suri拍鬧交戲，男講廣東話女講國語，真正雞同鴨講。MC說：「MV趣事多，有幕要同Suri鬧交，我覺得講國語嘈未必令情緒爆發，所以我用廣東話，Suri用國語。」MC在新歌形象戴眼鏡的鄰家男孩，好boyfriend-able。MC表示眼鏡造型並非自己idea，而是公司建議。
amJetso送 Bodysonic先力牌窗口式冷氣機X靜音循環風扇X電動冷凍小風扇
