張繼聰首次為姜濤作曲 ，親解合作因由。
姜濤早前推出新歌《Every Single Time》，歌曲由張繼聰作曲、陳詠謙填詞 ，MV更找來才貌俱備的馮德倫(Stephen)執導。姜濤在去年的演唱會已首次演繹這首歌，不過慢工出細貨，歌曲相隔一年才面世，張繼聰日前在社交網透露促成這次合作的因由。
原來這首歌原本的Demo 歌名叫《Dancing in my Head》，張繼聰表示︰「話說有日寫咗隻歌做咗個Demo，慣性心裏面都會有把聲同自己講，『幾好聽呀，不過啲後生會覺得好老土囉』。為咗驗證吓，我將個Demo send咗俾一位後生仔，希望佢俾啲意見。做人最緊要唔怕聽真話，最多匿埋喊吓。點知呢位兄弟，去緊旅行都即刻打俾我，佢話覺得好好聽，可唔可以用？」
張繼聰續感激姜濤用他的歌︰「姜，其實我好多謝你，多謝你用我嘅歌，紓緩咗我音樂上嘅中年危機。見到咁多人鍾意EST，好替你高興，亦都好榮幸可以成為一份子。P.S.做呢個Demo嗰時，幻想隻歌去到最尾我自己一個人喺度結他solo。睇完你嘅MV，見到你嘅solo，覺得仲正。希望有一日你喺度跳舞，我喺度彈結他。」姜濤即回覆謂︰「You are the best﹗」
amJetso送 Bodysonic先力牌窗口式冷氣機X靜音循環風扇X電動冷凍小風扇
