張致恒一家長期為錢煩惱。
張致恒(Steven)與太太區燕雯連同4位小朋友一家的經濟問題，隨住Steven到地盤開工，經濟狀況似乎有所改善，雯雯亦有一段時間冇再因為錢銀問題而在網上大吐苦水。不過，雯雯早前再於IG限時動態呻窮「變返乞丐」。
張氏一家的「討錢」方法的一貫是由雯雯先呻窮，再到Steven親自出po問網民借錢。雯雯繼早前稱「變返乞丐」之後，在22日先後留言稱「完完全全 既然冇路再行，只有齊齊離開，大家冇負擔」及「 再努力都係會又跌返落，其實真係好攰」，之後更移除自己在社交平台的頭像。今日Steven亦一如既往在雯雯放負後數天留言說︰「因為今個月開工不足，所以導致屋企收入唔夠，認真想問下有冇人可以幫幫手？」
