![曾傲棐第二首主打歌《密友圈之謎》日前上架。](https://cdn.am730.com.hk/s3fs-public/styles/article_image/public/2024-08/DSC00363_0.jpg?itok=fm3FukgV)
曾傲棐第二首主打歌《密友圈之謎》日前上架。
今年樂壇男新人曾傲棐(Arvin)繼三個月前推出重funky味重的R&B出道作品《FM520》後,第二首主打歌《密友圈之謎》昨日(21日)上架,同樣走R&B曲風,不過題材更為貼地,而且更由他自己第一身角度出發。
![綠色圈是來自社交平台Instagram限時動態那個「密友圈」。](https://cdn.am730.com.hk/s3fs-public/styles/article_image/public/2024-08/DSC00027_3.jpg?itok=XRgnkvPK)
綠色圈是來自社交平台Instagram限時動態那個「密友圈」。
《密友圈之謎》靈感來自社交平台Instagram限時動態那個「密友圈」,Arvin借此訴說自己的暗戀小故事,「今次題材自己有份參與,借咗Oscar支筆去幫我表達我想講嘅嘢。」
Arvin自言自己比較內向,最初填詞人Oscar問他希望歌曲以甚麼角度出發時,他也不知從何說起,Oscar提議錄音,先感受一下他的聲線、語氣等,「我覺得好多嘢就咁講出嚟好似好尷尬,或者大家未必認識得好深嘅時候,點樣去介紹到自己比對方知呢?我覺得喺個密友圈度淨係加咗對方喺入面,可能post一啲story,呢啲 post係得對方睇到。Oscar覺得呢樣嘢好得意,就捉住咗呢樣嘢就做咗今次《密友圈之謎》呢隻歌嘅主題。」
![《密友圈之謎》訴說Arvin自己的暗戀小故事。](https://cdn.am730.com.hk/s3fs-public/styles/article_image/public/2024-08/DSC00284.jpg?itok=O4N6DUMc)
《密友圈之謎》訴說Arvin自己的暗戀小故事。
他續說:「呢隻歌第一次聽我就覺得好似一個男仔明明平時剛陽味好重,但突然之間暗戀咗一個人,跟住成日囉囉攣咁拎住部電話喺張床度捵嚟捵去傻笑,係一個咁樣嘅景象,應該唔少人都會有共鳴。」
歌曲監製舒文,亦是二人「首次」合作,Arvin謂其實兩年前二人見過面,更唱過歌給對方聽,不過並非合作。兩年後「重遇」,Arvin直言感覺特別,又表示舒文並非「大家講到佢咁可怕」,「佢係一個對好多音色、對歌嘅emotion好有sense,好有自己嘅睇法嘅人。每次我錄到好迷嘅時候,佢成日都講嗰幾隻字:『最緊要好玩。』呢樣係我最大得着。我每次錄佢就會喺出面跳跳紮咁樣,我就會好放心。」