2024-07-15 21:44:24

曾患暴食症《#後生仔傾吓偈》杜穎珊離巢

曾主持無綫年輕人節目《#後生仔傾吓偈》的杜穎珊宣布離開無綫，昨日她在IG發文：「感恩遇上的一切，嚟緊希望再多多指教，暫時任何工作可聯絡我IG，謝謝大家。」她在IG短片分享多年來的工作點滴，更自揭曾患上暴食症。

「身心都健康」

杜穎珊表示，暴食症令她的事業發展受阻。「我離開TVB了，如果驚訝嘅話，可能唔係因為我離開，而係之前一直都仲未離開。冇錯，前幾年因為暴食症之後(當時真係身心不健康)，將重心放咗喺發展瑜伽事業上面，比較少拍嘢，不過𠵱家身心非常健康、非常好，亦都好ready嚟緊嘅幕前工作或者任何工作。多謝公司之前俾嘅所有工作機會，亦都好開心同唔同嘅前輩合作。」