朱晨麗心郁郁重考車牌 想開網台大講感情事

朱晨麗今日到奧海城出席汽車品牌發布會，沒有車牌的她表示見到品牌的新車之後，非常有衝動再考車。她表示十幾年曾考過車，但之後一直未有時間再考。她說︰「當時同時朋友一齊去報名，我都想再考番車牌，不過要就時間去上堂係最困難。（大把人爭住車你唔洗考？）係㗎！大把車爭住比我坐，只要比錢就有人載我啦！我坐過好多車㗎！哈哈哈哈！」

朱晨麗台上表示自己心儀粉色戰車，但就拒絕追求者揸粉紅色車𠱁自己開心。她說：「如果男仔揸粉紅色車真係唔得，我要諗佢係『閨蜜』定係咩，其實揀車最緊要有個性啦。」

剛完成拍劇的她表示會放假休息，由公司安排工作，奈何好姊妹未齊人無得去旅行：「我之前年年都會去泰國，今年就仲未去過，因為啲期大家夾嚟夾去都唔齊人！」有傳媒問到早前一眾藝人跟無綫主席許濤見面，她表示當日未有參與，對於公司著藝人到大灣區發展是好事。她表示數年前自己開通內地平台，坦言要花時間去經營，她亦有找朋友幫忙拍片。她希望可以開網上節目談感情事，為大家解答感情煩惱。