2024-08-16 12:05:30

李元元韓國旅行被媽媽公開出浴照網民轟「核突」兼行為不當

李璨琛與太太梁志瑩（Sophia）育有兩女，分別是6歲大女李元元（Lucy）和1歲的李斐斐（Sucy）。轉眼間Lucy今年九月即將升讀小一，趁未開學，Sophia就撇甩老公及細女Sucy，帶Lucy去韓國旅行過兩人世界。

Sophia連日來在社交網頻頻貼相，相中見兩母女著上韓服打卡， Lucy更瘋狂喪食，食到肚腩凸晒出嚟，非常可愛，Sophia更大曬複式酒店房，地方非常闊落，並在樓梯不停打卡，不過其中一張Lucy趴在浴缸邊的出浴照，卻引起網民的不滿。

Sophia寫道：「好多人對我冇乜興趣，但對我間酒店房好有興趣，走嗰日先同大家分享返呢間酒店確係正，兩母女仲好唔小心喺樓梯口影咗好多相 #好耐冇去過旅行實在太開心啦」，不少網民認為Sophia又再公開女兒出浴照不太恰當：「做乜嘢出浴！又咁核突！」，更有人指她又借女兒吸金：「應該係收左錢賣酒店廣告」、「用個女搵咁多，遲啲無」等。