![東張西望|櫃員機入錢3萬變3千真相曝光 網民指一早估到](https://cdn.am730.com.hk/s3fs-public/styles/article_image/public/2024-08/BANK_PRO_0.jpg?itok=2pJ2usNU)
東張西望|櫃員機入錢3萬變3千真相曝光 網民指一早估到
TVB綜合資訊節目《東張西望》於上月14日報道一則陳女士聲稱「被銀行呃咗$27,000」事件,惹起熱議。事隔一個月,《東張西望》於昨晚(8月14日)終於播出事件新進展。
上月,《東張西望》訪問苦主陳女士,陳女士指去旅行期間吩咐女兒將三萬元存入自己嘅戶口,女兒透過櫃員機入三萬蚊元(共60張500元紙幣),但陳女士翻查記錄後顯示交易僅三千元;翌日陳女士到沙田分行查詢,銀行要求出示入數紙正本,但女兒已喺沙田站棄掉正本入數紙,銀行回覆指睇完cctv唔符合存入三萬元嘅證據,陳女士不滿銀行回覆,因而報《東張西望》。東張西望亦實測透過同一部櫃員機入三萬元,發現女兒提供嘅入數收據與測試嘅收據有出入;銀行亦回覆《東張西望》指懷疑有虛假文書之可能,已報警備案。唔少網民當時睇完報道都感覺係女兒喺收據上做手腳,亦有網民期待事情嘅發展,指點解《東張西望》仲未跟進相關情況。
陳女士指身體不適拒談
昨晚,《東張西望》李旻芳致電苦主陳女士詢問事情進展,對方卻指仍於調查階段,節目組則於其後向警方查詢,原來銀行並無出錯,陳女士女兒於一星期後已到警署自首,承認自己曾使用行動應用程式修改入數紙上嘅金額,將三千元改成三萬元,並以WhatsApp發送該入數紙予媽媽。《東張西望》欲想訪問陳女士及其女兒,但女兒唔肯接受訪問,陳女士就指自己身體不適住院,拒談事件。
對於事情真相,唔少網民都話一早估到係陳女士嘅女兒監守自盜,直斥點解佢可以咁唔要面上《東張西望》扮苦主:「東張一報,我已經估到個衰女有好大問題?果然冇估錯」、「根本係慣犯,仲喺東張實牙實齒講大話,面不改容,仲大大聲去大銀行叫警察去查」、「點解個女做出尼d(啲)嘢仲可以理直氣壯上電視」、「囡囡演技一流編劇九流」、「我好想知道個老母知道個女做手腳後有咩反應!個女又係豬咁蠢!明知自己偷左。都同老母上東張西望!未上東張前就好同個老母自首啦!攪到件事咁大銀行肯定唔會放過你啦」、「個女仲口口聲聲做東張西望訪問話入左。攪到上晒電視都唔認。真過分咁樣呃呀媽」、「一早知女兒估惑(蠱惑)」等等。
不過,都有網民覺得如果唔係銀行問題就唔應該再播,認為局外人唔應該再提及呢件事,指應該畀個機會年輕人:「呢集有講呢位囡囡已經自首,無論佢係真心悔改還是怕被拘捕重罰,相信佢依家已經得到應有的罪名懲罰,希望我們不要再提及,最傷心傷痛是她的媽媽」,又指:「應該俾年輕人一個改過機會,亦不要令母親太難堪沒必要窮追猛打」。
港元定期利率|各大銀行比較及存款優惠
原文刊登於 Yahoo 娛樂圈