![梁芷珮與老公Kenneth、二仔Duncan同細女Kasey飛瑞士拍攝《瑞士潮什麼》。](https://cdn.am730.com.hk/s3fs-public/styles/article_image/public/2024-07/Christy08.jpg?itok=g-c6kAud)
梁芷珮與老公Kenneth、二仔Duncan同細女Kasey飛瑞士拍攝《瑞士潮什麼》。
現年42歲的梁芷珮(Christy)主持TVB旅遊節目《潮什麼》系列而為人所認識,近日她與老公Kenneth、二仔Duncan同細女Kasey飛瑞士拍攝《瑞士潮什麼》,繼續寓工作於娛樂,其間從瑞士回程卻遇上航班超載,竟得到航空公司提出優厚賠償。
梁芷珮在社交平台寫道:「航空公司啱啱話班機overbook, 每人比$600歐(約5,120港元), 再包埋你酒店一晚!問有冇呢班機嘅乘客肯take 呢個offer喎! 我即刻聽到成個機場嘩咗一聲。嘩,我四張飛,如果take咗咪有成$2400歐(約2萬港元)?發達啦!take唔take好呢?瑞士真係充滿驚喜!」網民紛紛留言表示:「機會難逢,一定take」、「本地航空先唔會睬佢,人地外國呢啲先叫OFFER」。
不少網民都十分好奇梁芷珮究竟有沒有接受offer 之際,她在社交網透露因為落機即要去工作,所以已經回到香港,其後,更貼出在家中看由自己主持的《巴黎奧運潮什麼》,表示:「答案係,我已經返到香港捧緊自己場了!最後冇take到嗰個好吸引嘅 offer 唔講住啦,一齊睇潮什麼 cross over 奧運先啦!」