![甄妮近日回港追討唱片版稅,今日大嘆收數之行並不順利。](https://cdn.am730.com.hk/s3fs-public/styles/article_image/public/2024-07/381647872_3093035170840017_1483372593035478754_n.jpg?itok=zAYIEVhN)
甄妮近日回港追討唱片版稅,今日大嘆收數之行並不順利。
「樂壇風紀」甄妮最近返港追討唱片版稅,近日她在Facebook上透露:「係羅文走咗,《射鵰英雄傳》環球說永遠唔洗被版稅。係咩嘢合約咁離譜?要問吓羅文至知!」羅文和甄妮合作跨公司專輯《射鵰英雄傳》於1993年面世,碟內收錄TVB古裝劇《射鵰英雄傳》的主題曲《鐵血丹心》稱得上是經典華語金曲,當年兩人分屬百代及金音符兩間唱片公司,有網民追問甄妮,環球向已故的羅文走數,但甄妮仍然在生為何不給予版稅,甄妮回答:「都唔想俾,等你瓜老襯。」並配上幾個爆笑emoji。反觀舊公司Sony Music,甄妮稱:「Sony我嘅老東家,唔知喺第幾代了,親切招呼!睇一群年輕小朋友努力工作,同我互相自我介紹,有回家的感覺!開心。」
![甄妮與好拍檔羅文於1993年推出跨公司專輯《射鵰英雄傳》。](https://cdn.am730.com.hk/s3fs-public/styles/article_image/public/2024-07/600x600bf-60.jpg?itok=E8CPEVIy)
甄妮與好拍檔羅文於1993年推出跨公司專輯《射鵰英雄傳》。
甄妮絕對是香港獨立歌手的先驅,當年她約滿唱片公司後,自組工作室「金音符」,在1980到1982的兩年半間,金音符製作了三張白金唱片《不要再重逢》、《心聲》、《木頭人》,以及兩張金唱片《衝擊》、《播音人》。當年《木頭人》專輯大賣,甄妮卻稱至今一蚊版稅都未收過。
甄妮今日表示4個小時見3個唱片公司巨頭,並透露此行收數不甚順利,不過她很開心與其律師團隊合作愉快,自言是有的是時間及好友們。貴為「樂壇風紀」,甄妮似乎亦有留意龍婷近日爆出的緋聞,對於已婚演唱會製作人丘亞葵被拍得車廂激咀龍婷,男方否認兩人有染,解釋只是純友誼的「Hello Kiss」。對此,甄妮今日在Facebook留言區寫:「耐冇見朋友,若偶然撞到,求你千祈唔好同我『Hello Kiss』受唔起『咁大禮』。」風趣之餘亦非常緊貼本地娛樂消息。
![甄妮身為樂壇風紀,亦有留意龍婷近日緋聞。](https://cdn.am730.com.hk/s3fs-public/styles/article_image/public/2024-07/50_13.jpg?itok=Fu-yPBGq)
甄妮身為樂壇風紀,亦有留意龍婷近日緋聞。