![老公新戲上映,謝安琪點會唔支持。](https://cdn.am730.com.hk/s3fs-public/styles/article_image/public/2024-08/DSC_8130_1.jpg?itok=BZ3zTGLU)
老公新戲上映,謝安琪點會唔支持。
英皇電影《紮職3》昨晚首映,主角張繼聰、黃宗澤(Bosco)、陶大宇等到荃灣出席首映禮,楊受成夫婦與一眾英皇藝人齊齊撐場。謝安琪也到場支持老公,與他擺心心手勢寓意齊心合力。Bosco表示稍後會到馬來西亞會合片中拍檔陳家樂宣傳。「佢預備咗肉骨茶迎接我啦。我嘅劇集同電影近日都要忙宣傳,所以仲未可休息。」
![Bosco稍後飛馬來西亞同陳家樂宣傳《紮職3》。](https://cdn.am730.com.hk/s3fs-public/styles/article_image/public/2024-08/DSC_8154_1.jpg?itok=ZrgQtiG4)
Bosco稍後飛馬來西亞同陳家樂宣傳《紮職3》
![阿聰話仔女睇完爸爸做戲反應好大。](https://cdn.am730.com.hk/s3fs-public/styles/article_image/public/2024-08/W2C_0104_1.jpg?itok=Xtj3Zzjm)
阿聰話仔女睇完爸爸做戲反應好大。
爸爸俾人恰爆喊
張繼聰表示唔擔心電影列作三級影響票房,阿聰話電影有少少暴力同粗口,至會有更好效果。「打交唔見血成何體統?不過我平時見血會暈。」阿聰又話仔女睇完自己做戲好大反應。「上集同大仔一齊上網睇,佢話唔會再睇,因為好難接受爸爸死。個女仲誇張,見到我俾人恰就爆喊。」至於本月生日的陶大宇及周勵淇,就話可惜在片中未有對手戲,大宇話今次戲中演反派好過癮。
![周勵洪話導演突然加咗一場打戲,自己差啲應付唔到。](https://cdn.am730.com.hk/s3fs-public/styles/article_image/public/2024-08/W2C_0062_2.jpg?itok=JctmNzGu)
周勵洪話導演突然加咗一場打戲,自己差啲應付唔到。
![楊受成夫婦與《紮職3》演員合照,電影於8月29日上映。](https://cdn.am730.com.hk/s3fs-public/styles/article_image/public/2024-08/DSC_8070_1.jpg?itok=umAbei6u)
楊受成夫婦與《紮職3》演員合照,電影於8月29日上映。