2024-08-20 19:23:10

紮職3｜張繼聰謝安琪心心撐場囝囝不想再睇爸爸死

英皇電影《紮職3》昨晚首映，主角張繼聰、黃宗澤(Bosco)、陶大宇等到荃灣出席首映禮，楊受成夫婦與一眾英皇藝人齊齊撐場。謝安琪也到場支持老公，與他擺心心手勢寓意齊心合力。Bosco表示稍後會到馬來西亞會合片中拍檔陳家樂宣傳。「佢預備咗肉骨茶迎接我啦。我嘅劇集同電影近日都要忙宣傳，所以仲未可休息。」

爸爸俾人恰爆喊

張繼聰表示唔擔心電影列作三級影響票房，阿聰話電影有少少暴力同粗口，至會有更好效果。「打交唔見血成何體統？不過我平時見血會暈。」阿聰又話仔女睇完自己做戲好大反應。「上集同大仔一齊上網睇，佢話唔會再睇，因為好難接受爸爸死。個女仲誇張，見到我俾人恰就爆喊。」至於本月生日的陶大宇及周勵淇，就話可惜在片中未有對手戲，大宇話今次戲中演反派好過癮。