![衛詩雅日前接受譚玉英訪問。](https://cdn.am730.com.hk/s3fs-public/styles/article_image/public/2024-08/10.png?itok=VoW_Jlo2)
衛詩雅日前接受譚玉英訪問。
衛詩雅(Michelle)近日到新城廣播接受譚玉英(阿譚)、麥皓兒、何基佑主持《OK玉英室》訪問,大談Michelle與阿譚認識經過。阿譚透露,張敬軒早前邀請她出席聖誕party,就在party中認識Michelle。「張敬軒屋企嗰日好多人,都唔知見到邊個。不過Michelle打扮好靚,頂帽又大又靚,吸引到我一直望住佢,就走埋去認識佢。」Michelle表示當時好驚喜,未想過由細睇到大嘅譚玉英姐姐會同自己講嘢。「阿譚同我想像中唔同,以為佢唔講嘢好嚴肅。原來佢好nice。」
![Michelle今年6月成為醫生男友未婚妻。](https://cdn.am730.com.hk/s3fs-public/styles/article_image/public/2024-08/ent_54.jpg?itok=Rn8LnaZq)
Michelle今年6月成為醫生男友未婚妻。
![Michelle表示好多嘢都好崇拜未婚夫。](https://cdn.am730.com.hk/s3fs-public/styles/article_image/public/2024-08/8_12.jpg?itok=CLCxK3Cw)
Michelle表示好多嘢都好崇拜未婚夫。
認錯前度急澄清
阿譚之後大爆Michelle當日派對上男友。「當時Michelle男朋友喺隔籬,好靚仔。」不過已有醫生未婚夫的Michelle急急澄清:「唔係嗰個,而家我未婚夫仲靚仔,好驚。哈哈!」提到擇偶條件,阿譚問Michelle是否一定靚仔。她說:「又唔係,要傾到偈,價值觀相近,同埋一定要有嘢係我崇拜佢嘅。」再問她未婚夫有甚麼令她崇拜。她表示:「任何嘢啦。我覺得佢好叻,每次問佢學術、心靈等等,佢都解答到我。我好感性,佢好理性,可以拉得住我。」